नयाँ रणनीति तयार गर्न माधव-झलनाथ समूहकाे स्थायी कमिटी बैठक बस्दै

काठमाडौं । नयाँ रणनीति तयार गर्न माधवकुमार नेपाल र झलनाथ खनाल समूहकाे स्थायी कमिटी बैठक आज बस्ने भएको छ।

आन्तरिक विवाद चुलिइ रहेकाे बेला सत्तारूढ नेपाल कम्युनिष्ट पार्टी (एमाले) को  मंगलबार दिउँसो बैठक बस्ने भनिए पनि स्थान र समय टुंगिन बाँकी रहेको स्रोतले बताएको छ ।

सोमबार साँझ एमाले अध्यक्ष केपी शर्मा ओलीले नेता माधवकुमार नेपाल र उपाध्यक्ष भीम रावललाई पार्टीबाट ६ महिनाका लागि निलम्बन गरेका थिए।

ओलीको उक्त कदमको विरोध गर्दै नेपालले आफूले ओलीको डटेर सामना गर्ने बताउँदै खनाल-नेपाल समूहले जिल्लाहरूमा समानान्तर समिति बनाउने रणनीति बनाएको जानकारी दिएका छन् ।

आजको छलफलमा अबको थप रणनीतिबारे छलफल हुने स्रोतले बताएको हाे ।