इरानका पूर्वसर्तले अमेरिका–इरान वार्ता अन्योलमा

एजेन्सी । इरानले पूर्वसर्त राखेपछि इस्लामाबादमा हुन लागेको अमेरिका–इरान शान्ति वार्ता अन्योलमा परेको छ । वार्ता सुरु हुनुअघि नै अनिश्चितताको बादल मडारिएको छ । इरानले आफ्ना कडा पूर्वसर्त अघि सारेपछि वार्ता सफल हुनेमा आशंका बढेको हो ।

इरानी नेतृत्वले रोक्का राखिएको सम्पत्ति फुकुवा गर्नुपर्ने र लेबनानमा युद्धविराम लागू हुनुपर्ने सर्त राखेको छ । यी माग पूरा नभएसम्म औपचारिक वार्ता अघि नबढ्ने स्पष्ट संकेत इरानले दिएको छ ।

अर्कोतर्फ, अमेरिकाले भने वार्ताबाट सकारात्मक नतिजा अपेक्षा गर्दै कडा सन्देश दिएको छ। पछिल्ला अभिव्यक्तिहरूमा अमेरिकी पक्षले सम्झौतामा ढिलाइ भए थप कडा कदम चाल्न सकिने चेतावनी दिँदै आएको छ ।

युद्धविरामका प्रयासहरू भइरहे पनि मध्यपूर्व क्षेत्रमा तनाव कायमै छ।