बैदेशिक रोजगार बिभागका नायबसुब्बा ९२ हजार ६ सय घुससहित पक्राउ

काठमाडौं । अख्तियार दुरुपयोग अनुसन्धान आयोगले वैदेशिक रोजगार विभाग ताहाचल काठमाडौंका अनुसन्धान तथा मुद्दा शाखामा कार्यरत नायब सुब्बा हेमबहादुर मस्राङगीलाई ९२ हनार ६ सय रुपैयाँ घुससहित पक्राउ गरेको छ ।

बिहीबार अख्तियारको टंगालस्थित कार्यालयबाट खटिएको टोलीले उनलाई बिभाग परिसरबाट घुससहित नियन्त्रणमा लिएको हो ।

नासु मस्राङगीले सेवाग्राहीसँग वैदेशिक रोजगार ठगी सम्बन्धी मुद्दा प्रक्रियामा सहजीकरण गरिदिनका लागि सेवाग्राहीसँग १५ हजार रुपैयाँ घुस लिइसकेको अवस्थामा उक्त रकम र स्रोत नखुलेको रकम ७७ हजार ६ सयसमेत गरी जम्मा ९२ हजार ६ सय रुपैयाँसहित नियन्त्रणमा लिएको आयोगले जनाएको छ ।

साथै आयोगको टोलीले मस्राङ्गीको साथबाट मोबाइल ३ थान पनि बरामद गरेको छ ।