सीआईबीको निर्देशनमा देउवाको घर भत्काउन रोकियो

काठमाडौं । नेपाल प्रहरीको केन्द्रीय अनुसन्धान ब्यूरो(सीआईबी)ले पूर्वप्रधानमन्त्री शेरबहादुर देउवाको घर भत्काउन रोक लगाएको छ ।

प्रमाण नष्ट हुन सक्ने भन्दै सीआईबीले उनको घर भत्काउन रोक लगाएको छ ।

सीआईबी स्रोतका अनुसार देउवाको घरमा गएको भदौ २४ गते भएको आगजनीमा पैसा जलेका भिडियोहरु सार्वजनिक भएकाले घर भत्काउँदा प्रमाण नष्ट हुन सक्ने भएकाले भत्काउन रोक लगाएको हो ।

जेनजी आन्दोलनमा आगजनी भएपछि देउवा दम्पत्तिले उक्त घर बिक्री गरेका थिए । र, खरिद गर्नेले उक्त घर धमाधम भत्काउन थालेको सूचनापछि सीआईबीले रोक लगाएको स्रोतको दाबी छ ।

हाइड्रोपावर ब्यवसायी ब्यवसायी विकास गौतमले देउवाको ६ रोपनी उक्त जग्गा खरिद गरेका थिए । बहुतल्ले अपार्टमेन्ट निर्माणका लागि उनले उक्त भग्नावशेष घरजग्गा खरिद गरेका थिए ।

काभ्रे घर भएका ब्यवसायी गौतमले बालुवाटारको घरसँग देउवाको बुढानीलकन्ठको उक्त जग्गा सट्टापट्टा गरेका थिए । घरबाहेक जग्गाको रकम दिएर उनले उक्त जग्गा खरिद गरेको स्रोतको दाबी छ ।