९ महिना कार्यकाल बाँडेर खाने देउवा २ बर्षे प्रधानमन्त्री हुन किन तयार छैनन् ?

काठमाडौं । माओवादी केन्द्रका अध्यक्ष पुष्पकमल दाहाल ‘प्रचण्ड’ सँग ९ महिने अवधिको प्रधानमन्त्री पदसमेत बाँडेर आधा आधा कार्यकाल बाँडेर खाने नेपाली कांग्रेसका सभापति शेरबहादुर देउवा अहिले मुखमा आएको २ बर्षको प्रधानमन्त्री पद अस्वीकार गरिरहेका छन् ।

सिंगो नेपाली कांग्रेसले उनलाई प्रधानमन्त्री पद स्वीकार गर्न आग्रह गर्दा पनि उनी मौन छन् । र, केपी ओलीकै सरकारलाई टिकाउने ग्रान्ड डिजाइनमा उनी फसेका छन् । अदृश्य शक्ति (विदेशी शक्ति)ले उनलाई प्रधानमन्त्री नखान र ओलीलाई नै निरन्तरता दिन संकेत गरेकाले उनी मुखमा आएको पद समेत स्वीकार गर्न सकिरहेका छैनन् । फलस्वरुप मुलुक सरकार नै नबन्ने अवस्थामा पुगेको छ ।

ओलीलाई टिकाएर कम्युनिष्ट पार्टी दुई टुक्रा पारिसकेको विदेशी शत्तिले अब एमाले टुक्रयाउन खोजिरहेको छ । त्यो शक्तिले ओलीलाई नै चुनाव घोषणा गर्न लगाउने र त्यसपछि उनका बिरुद्ध सबै आन्दोलनमा गइसकेपछि अर्को खिलराज रेग्मी खोजेर निर्वाचन गराउने दाउमा छ । त्यही भएकाले पनि देउवा अहिले प्रधामन्त्री हुन चाहिरहेका छैनन् । त्यो शक्तिले जनता समाजवादी पार्टीलाई ओली सरकारमा पठाउन खोजेको थियो । 

जसपा पठाए पनि माधव नेपाल पक्षले फ्लोरक्रस गर्ने र सरकार ढल्ने संभावना देखिएपछि देउवालाई रोकेको छ । देउवा प्रधानमन्त्रीका लागि तयार नभएपछि अब मुलुक पुनः चुनावतिर जाने संभावना बढेको छ ।