१६५ निर्वाचन क्षेत्रकै मतपरिणाम सार्वजनिक, कुन दलले कति सिट जित्यो ?

काठमाडौं । फागुन २१ मा सम्पन्न प्रतिनिधिसभा निर्वाचनको प्रत्यक्षतर्फ १६५ निर्वाचन क्षेत्रको मतपरिणाम सार्वजनिक भएको छ ।

निर्वाचनपश्चात् सम्पन्न मतगणना र त्यसबाट प्राप्त मत परिणामअनुसार सबैभन्दा बढी सिट राष्ट्रिय स्वतन्त्र पार्टी रास्वपाले जितेको छ ।

रास्वपाले १ सय २५ सिट जितेको छ । नेपाली कांग्रेसले १८ सिट जित्दा नेकपा एमालेले ९ सिट जितेको छ । नेपाल कम्युनिस्ट पार्टी (नेकपा)ले ८ सिट, श्रम संस्कृति पार्टीले ३ सिट जितेको छ । साथै, एक स्वतन्त्र उमेदवारले पनि चुनाव जितेका छन् ।

प्रतिनिधिसभा सदस्य निर्वाचनका निम्ति यही फागुन २१ मा मतदान भएको थियो । हाल समानुपातिकतर्फको मतगणना जारी छ । समानुपातिकतर्फको मतगणनामा रास्वपाले करिब ५० लाख मत पुर्याउन लागेको छ ।