मालपानीको ८ करोड डिफेन्डर गाडीबारे बालेनले जवाफ दिनैपर्छ : राजीव खत्री

काठमाडौं । भक्तपुर क्षेत्र नम्बर २ मा राष्ट्रिय स्वतन्त्र पार्टी(रास्वपा)को तर्फबाट प्रतिनिधिसभा सदस्यका उम्मेदवार बनेका राजीव खत्रीले बालेन्द्र साहले चढेको गाडीको बिषयमा बालेनले नै जवाफ दिनुपर्ने बताएका छन् ।

बालेनले श्रीराम टोबाको कम्पनीको गुट्खादेखि डिफेन्डर गाडीको कर छलीमा मुछिएका गुट्खा व्यापारी कमल किशोर मालपानीको ८ करोड भन्दा बढी पर्ने ल्याण्डरोभर गाडी चढेर झापामा चुनाबी प्रचारमा हिँडेपछी बालेनमाथि सबैतिरबाट प्रश्न उठाइएको थियो ।

खत्रीले एक युट्युब च्यानलसँगको अन्तर्वार्ताका क्रममा चुनावमा व्यापारीले दिएको सहयोग लिन पाइने भए पनि उनीहरुको स्वार्थ अनुसार काम गर्न नहुने उल्लेख गरेका छन् ।

उनले ८ करोडको गाडी चढेको बिषयमा बालेनलाई भेट्न नपाएको हुँदा आफुले प्रश्न सोध्न नसकेको भएपनि बालेन आफैंले जवाफ दिनुपर्ने बताए ।
मालपानीले बालेनलाई चुनावमा सहयोग गरेको उक्त गाडी १०१ प्रतिशत भन्सार छली गरेर हङकङबाट भित्र्यार्एको बिषय पनि सार्वजनिक भएको छ । जुन प्रकरणमा अख्तियार दुरुपयोग अनुसन्धान आयोगले छानविन गरिरहेको छ ।

मालपानी र भारतीय नागरिक राकेश अडुकियाले नक्कली कागजपत्र खडा गरी एक सय प्रतिशत भन्दा बढी राजश्व छली गरेर आधिकारिक विक्रेता नै नलिइ ल्याण्डरोभर कम्पनीको डिफेन्डर गाडी भित्र्याउँदै आएका हुन् ।

उनीहरुले भन्सार विभाग, वाणिज्य विभाग र यातायात व्यवस्था विभागका कर्मचारीहरुसँग सेटिङ गरी धेरै सवारीसाधनहरु कम राजश्व तिरेर भित्र्याइरहेका छन् ।