रास्वपा स्टिकर टाँसिएको गाडीले ठक्कर दिँदा रौतहटमा ४ वर्षीया बालिकाको मृत्यु

काठमाडौं । रौतहटमा गाडीको ठक्करबाट चार वर्षीया बालिकाको मृत्यु भएको छ ।

रास्वपाको स्टिकर टाँसिएको बा १५ च ४२४४ नम्बरको कारले ठक्कर दिदा अल्फा खातुन नाम गरेकी बालिकाको मृत्यु भएको हो।

बिहीबार दिउँसो साढे २ बजे इशनाथ नगरपालिका–३ मठिया टोलमा उक्त कारले बालिकलाई ठक्कर दिएको जिल्ला प्रहरी कार्यालय रौतहटका डीएसपी विष्णुप्रसाद बस्यालले बताए ।

त्यसपछि त्यही कारमा राखेर ती बालिकालाई गौरको सिटी अस्पतालमा लगिएको थियो ।

त्यहाँबाट प्रादेशिक अस्पतालमा लगिएको थियो । पौने ३ बजे प्रादेशिक अस्पतालमै ती बालिकाको मृत्यु भएको हो ।

बालिकालाई अस्पताल पुर्‍याएपछि चालक भने फरार छन् । उनको खोजी भइरहेको छ । गाडी भने प्रहरीले नियन्त्रणमा लिएको छ ।