प्रचण्डको सचिवालयबाट गंगाले राजीनामा दिइन्, व्यक्तिगत स्वार्थका लागि काम नगरेको दाबी

काठमाडौं । नेकपा (माओवादी केन्द्र)का संयोजक पुष्पकमल दाहाल ‘प्रचण्ड’ की छोरी गंगा दाहालले उनको सचिवालयबाट राजीनामा दिएकी छिन् । प्रचण्डका छोरा प्रकाश दाहालको निधनपछि छोरी गंगा दाहालले नै पिता प्रचण्डको सचिवालय सम्हाल्दैआएकी छन् ।

दाहालले आइतबार सामाजिक सञ्जालमार्फत् विज्ञप्ति जारी गर्दै आफ्नो राजीनामाको घोषणा गरेकी हुन् ।

आफूलाई देखाएर निरन्तर बुवा प्रचण्ड र सिंगो पार्टीविरुद्ध प्रहार भएका कारणले आफूले राजीनामा दिएको गंगाले बताएकी छन् ।

उनले लेखेकी छन्–‘म बुवा (कमरेड प्रचण्ड) को सचिवालयमा भाइ प्रकाश दाहालको निधनपछि पार्टीको निर्णयअनुसार जिम्मेवारी लिएर आएकी थिएँ । मम्मी सीता दाहाल बिरामी हुनुहुन्थ्यो, त्यसैले हेरचाहसँगै सचिवालयमा रहेर सकेसम्म निस्वार्थ भावले काम गरेँ । म गर्वका साथ भन्छु, मैले आफ्नो व्यक्तिगत स्वार्थका लागि कहिल्यै काम गरिनँ । सहयोगीको रूपमा राम्रो गर्ने कोसिस गरेँ, तर जति विवादरहित भएर काम गर्न खोजे पनि विवादमा त पर्नैपर्ने रहेछ ।’

गंगाले सचिवालयमा रहँदा सबैको भावनाअनुरूप काम गर्न नसकिएको स्वीकार गर्दै आत्मालोचना गरेकी छन् ।

गंगा दाहाललाई सचिवालयमा राखेकोमा पार्टीभित्रैबाट प्रचण्डको चर्को आलोचना हुँदैआएको छ । प्रचण्ड प्रधानमन्त्री हुँदा गंगाले नै सत्ता संचालन गर्ने गरेको आरोप लाग्ने गरेको थियो ।

गंगाले सामाजिक संजालमा लेखेकी छन् :