रवीन्द्र मिश्रलाई हतकडीसहित म्यादथपका लागि सरकारी वकिलको कार्यालय लगियो

काठमाडौं । राष्ट्रिय प्रजातन्त्र पार्टी (राप्रपा) वरिष्ठ उपाध्यक्ष रवीन्द्र मिश्रलाई म्यादथपका लागि सरकारी वकिलको कार्यालय लगिएको छ ।

तिनकुनेमा भएको प्रदर्शनको क्रममा मानवीय र भौतिक क्षतिको जिम्मेवार रहेको भन्दै पक्राउ परेका मिश्रसहितलाई प्रहरीले हतकडीसहित जिल्ला सरकारी वकिलको कार्यालय पुर्‍याएको हो । गत शुक्रबार राति पक्राउ परेका उनलाई केहीबेर अघि म्यादथपका लागि सरकारी वकिलको कार्यालय लगिएको हो ।

उनलाई आजै अदालत लगिनेछ । राज्यविरुद्धको कसुरमा मिश्र र महामन्त्री धवल शमशेर राणासहित ११ विरुद्ध मुद्दा दर्ता गरेर म्याद थप हुँदैछ ।

त्यस्तै, आपराधिक उपद्रव र संगठित अपराधमा ४१ जनालाई म्याद थप गर्ने तयारी प्रहरीको छ ।