एमाले र काँग्रेसबीच भएको सहमति अनुसार सरकारले एउटा पनि काम गर्न सकेन: शेखर कोइराला

काठमाडौँ । नेपाली काँग्रेसका नेता डा. शेखर कोइरालाले काँग्रेस र एमालेबीच भएको सात बुँदे सहमति अनुसार एउटा पनि काम अगाडि बढ्न नसकेको टिप्पणी गरेका छन्।

मोरङ काठमाडौं सम्पर्क समितिले बत्तिसपुतलीमा आयोजना गरेको कार्यक्रमलाई सम्बोधन गर्दै सरकारको कारणले जनता निराश बन्दै गइरहेको बताए।

‘जनता अहिले कसको पक्षमा छ भन्ने होइन। जनतामा अहिले बढ्दो वितृष्णा छ। हामीले त्यो हटाउन सक्नुपर्छ। यो असन्तुष्टिलाई नहटाई केही काम गर्छौँ भनेर हामी अगाडि बढ्यौँ भने हामी दुर्घटनामा फेरि पर्न सक्छौ, एमालेले गणतन्त्रको पक्षमा जनसचेतना लागि सडकमा उत्रिने भन्दै गरेको घोषणाबारे उनले भने, ‘सरकारको नेतृत्व गर्ने पार्टीले देश भरी जागरण अभियान चलेर चलाउँदै छ। अहिले त्यो उपयुक्त समय हो रु भनेर हामीले प्रश्न गर्नुपर्छ।’

उनले सरकारले सुशासन र संविधान संशोधनको विषयमा केही काम गर्न नसकेको बताए। यस्तै, काँग्रेसको महाधिवेशन ०८३ मंसिर मसान्तसम्म नभए कमजोर हुँदै भने भन्दै आवाज उठाउन निर्देशन दिए। पार्टीका नेता कार्यकर्तालाई सामाजिक सञ्जालमा २०८३ को मंसिर मसान्तसम्म महाधिवेशन हुनुपर्छ भनेर लेख्न निर्देशन दिए।