तत्काल संसद बैठक बोलाउन कांग्रेसकाे माग

काठमाडाैँ । प्रमुख प्रतिपक्षी दल नेपाली काँग्रेसले तत्काल संसद बैठक बोलाउन माग गरेको छ ।

काँग्रेस सभापति शेरबहादुर देउवाको निवास बूढानीलकण्ठमा बसेको बैठकले यस्ताे माग गरेकाे हाे।

बैठकमा शीर्ष नेताका साथै संसदीय फाटका नेताहरुकाे पनि सहभागिता रहेकाे थियाे। प्रवक्ता विश्वप्रकाश शर्माले बैठकले तत्काल संसद बैठक बोलाउन माग गरेको जानकारी दिए । 

बैठकले यही अवस्थामा संवैधानिक परिषद् बैठकले गरेको निर्णय नमान्ने निर्णय गरेको छ भने बिहीबारका लागि संसदीय दलको बैठक समेत बोलाइएको छ । सो बैठकमा संसद बैठक बोलाउनका लागि सरकारलाई दवाव दिन थप रणनीति बनाउने बताइएको छ । 

बैठकमा मंसिर २९ गते देशभर भएको सरकारविरुद्धको प्रदर्शनको समीक्षा  भएको छ भने सो प्रदर्शनमा सरकारको अधिनायकवादी, सर्वसत्तावादी र दमनकारी रवैयाविरुद्ध जनमत प्रकट भएको पनि बैठकले ठहर गरेको छ ।