डीआईजीद्वय जोशी र ढकाल एआईजीमा बढुवा सिफारिस

काठमाडौं । गृहमन्त्री रवि लामिछानेले प्रहरीमा हुने गरेको बढुवा जामको परम्परालाई हटाउँदै पदरिक्त नहुँदै एआईजी बढुवा प्रक्रिया अगाडि बढाएका छन् ।

नेपाल प्रहरीका प्रहरी नायव महानिरीक्षक (डीआईजी) उमेशराज जोशी र भीमप्रसाद ढकाल अतिरिक्त महानिरीक्षक (एआईजी) पदमा बढुवा सिफारिसमा परेका छन् । बढुवा समितिको सोमबारको बैठकले उनीहरुलाई बढुवा सिफारिस गरेको हो ।

एकेडेमीका एआईजी संदीप भण्डारी बैशाख ५ गते(बुधबार) र प्रशासन विभागकी मिरा चौधरी बैशाख ७ गते अवकाश हुँदैछन् । उनीहरु अवकाश नहुँदै बढुवा जोशी र ढकाललाई एआईजीमा बढुवा सिफारिस गरिएको छ ।

बढुवा सिफारिसमा परेका डीआईजी जोशी राष्ट्रिय प्रहरी प्रशिक्षण प्रतिष्ठान महाराजगञ्जमा कार्यरत छन् भने ढकाल प्रहरी महानिरीक्षकको सचिवालयमा कार्यरत छन् ।