धम्क्याएर ५० लाख रकम माग्ने दुई जना पक्राउ

काठमाडौं । धम्क्याएर ५० लाख रकम मागेको आरोपमा दुई जना पक्राउ परेका छन् । उपत्यका अपराध अनुसन्धान कार्यालयको टोलीले मच्छेगाउँबाट उनीहरूलाई पक्राउ गरेको हो ।

पक्राउ पर्नेमा कैलालीको टिकापुर घर भएका ३६ वर्षीय हृदयराज बोगटी उर्फ विश्वजित बटला र नुवाकोट घर भएका नरहरि ढुंगाना उर्फ रमेश छन्।

उनीहरुको साथबाट नेकपा माओवादीको रसिद बरामद गरिएको प्रहरीले जनाएको छ । उनीहरुले नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीबाट छुट्टिएर अर्को समूह बनाएको प्रहरीलाई बताएका छन्।

आरोपीहरुले काठमाडौं उपत्यकामा पकट–पटक फोन गरेर धम्क्याएर ५० लाख रकम मागेको प्रहरीको अनुसन्धानबाट खुलेको छ ।