प्रधानमन्त्रीसँग प्रश्नोत्तर गर्ने गरी प्रतिनिधिसभा बैठक स्थगित

काठमाडौं । प्रधानमन्त्रीसँग प्रश्नोत्तर कार्यक्रम चलाउने गरी प्रतिनिधिसभाको बैठक स्थगित भएको छ। सभामुख देवराज घिमिरेले आगामी फागुन ६ गते आइतबार अर्को बैठक बस्ने र त्यस दिन प्रधानमन्त्रीसँग प्रश्नोत्तर कार्यक्रम सञ्चालन हुने जानकारी गराए ।

प्रधानमन्त्रीसँगको प्रत्यक्ष प्रश्नोत्तरका लागि सांसदहरुले आगामी फागुन २ गते दिउँसो ३ बजेभित्र संसद सचिवालयमा उपलब्ध गराउनुपर्ने बताइएको छ।

सभामुख घिमिरेले सदनमा भनेका छन्, ‘‘प्रश्न सोध्नका लागि प्रतिनिधि सभा नियमावलीको नियम ५८ बमोजिम मिति २०८० फागुन २ गते बुधबार दिनको ३ बजेभित्र संघीय संसद्को महासचिवसमक्ष आफ्नो प्रश्न लिखित रुपमा दिन सक्नुहुने व्यहोरासमेत जानकारी गराउन चाहन्छु ।’