शीर्ष नेताहरुबीच संवाद हुन छोडेपछि विष्णु पौडेलको आयो यस्तो भनाई

काठमाडौं । नेपाल कम्युनिष्ट पार्टी (नेकपा) मा यतिबेला गम्भीर संकट आएको छ । ठूलो तामझामका साथ पार्टी एकता गरेर बलियो कम्युनिष्ट पार्टी बनेको नेकपामा सत्ता र शक्तिको खेलको कारण संकट आएको बुझिएको छ । 

नेकपाको संकटको संकेत महासचिव विष्णु पौडेलको भनाईबाट स्पष्ट भएको छ । आज फेसबुकमा एक पोष्ट राख्दै अर्थ मन्त्री समेत रहेका पौडेलले पार्टीको संकटको बारेमा आफ्नो भनाई राखेका हुन् । 

पछिल्लो समय नेकपाका दुई अध्यक्षबीच संवाद पनि हुन छोडेको छ । जतिसुकै संवाद गरेपनि प्रधानमन्त्री केपी शर्मा ओलीले मनमौजी निर्णय गर्ने क्रम नरोकिएपछि पार्टीका कार्यकारी अध्यक्ष पुष्पकमल दाहाल प्रचण्ड बालुवाटार जानै छोडेका हुन् । उनलाई बालुवाटार नजान पार्टीका वरिष्ठ नेताहरु झलनाथ खनाल र माधवकुमार नेपालले समेत सल्लाह दिएको बताइएको छ । 

यही परिप्रेक्ष्यमा पौडेलको भनाई आएको बुझिएको छ । पौडेलले आफ्नो पार्टीको एकीकृत र अविभाज्य अस्तित्वका सामु गम्भीर संकट उत्पन्न भएको बताएका छन्। उनले पार्टी एकताका संकटमा पुग्न लागेको संकेत हुन्।