नेपाल अन्तर्राष्ट्रिय शक्तिहरुको प्रतिस्पर्धास्थल बन्ने खतरा बढ्यो: कमल थापा

काठमाडौं । राष्ट्रिय प्रजातन्त्र पार्टी (राप्रपा) का अध्यक्ष कमल थापाले नेपालको पछिल्लो गतिविधिले नेपाल अन्तर्राष्ट्रिय शक्तिहरूको प्रतिस्पर्धास्थल बन्ने खतरा बढेको बताएका छन् । 

शुक्रबार ट्वीटरमार्फत् आफ्नो भनाइ राख्दै नेता थापाले सत्तारुढ र प्रमुख प्रतिपक्षदलका अकर्मण्यता र गलत नीतिको कारण यस्तो अवस्था आएको बताएका छन् । उनले देशको स्वतन्त्रता र अस्तित्वबारे समयमै सचेत बन्नुपर्ने पनि विचार पनि राखे। 

‘नेपालका लागि भारत र चीनसँगको सम्वन्धमा रणनीतिक सन्तुलन,समदूरी र असंलग्नता नेपालको अस्तित्वको आधार हो’ पूर्व परराष्ट्रमन्त्री समेत रहेका थापाले लेखेका छन्, ‘प्रमुख प्रतिपक्षी दलको अकर्मण्यता र गलत नीतिको परिणामस्वरूप अहिले नेपाल अन्तर्राष्ट्रिय शक्तिहरूको प्रतिस्पर्धास्थल बन्ने खतरा बढेको छ।देशको स्वतन्त्रता र अस्तित्ववारे समयमै सचेत बनौं ।’

राप्रपा एकीकरण भइ चुनाव चिन्ह हलो हुने भएपछि थापाले सामाजिक सञ्जालमा हलोको फोटोको समेत प्रयोग गर्दै आएका छन् ।