मन्त्रीपरिषदको बैठकबाट लकडाउन एक साता बढाउने तयारी

काठमाडौं,२४ चैत। कोरोनाभाइरस रोकथामका लागि सरकारले पुन लकडाउनको समय थप्ने तयारी गरेको छ । दुई दिनअघि कैलाली र कञ्चनपुरमा कोरोना भाइरसको थप संक्रमित पुष्टि भएको थियो । साथै अझै पनि कोरोना फैलने सम्भावना रहेको निष्कर्ष निकाल्दै सरकारले लकडाउनको समय थप गर्ने तयारी गरेको हो । 

 आइतबार बसेको कोभिड–१९ सम्बन्धी उच्चस्तरीय समितिको  बैठकमा पनि लकडाउनको समय थप गर्ने विषयमा छलफल भएको थियो । सो बैठकमा लकडाउनको समयावधि अब एक साता थप्नुपर्ने विषयमा कुराकानी भएको स्रोतले जनाएको छ । 

आज यसबारे निर्णय गर्न मन्त्रिपरिषदको बैठक बोलाइएको छ । बैठकले लकडाउनको समय थप्नेबारे निर्णय गर्ने एक मन्त्रीले  बताए ।