आरती शाह मृत्यु प्रकरणमा धनुषाका एसपी खड्काको जिम्मेवारी खोसियो

काठमाडौं । आरती शाह मृत्यु प्रकरणमा प्रहरी प्रधान कार्यालयले एसपी विश्वराज खड्कालाई धनुषा प्रहरी प्रमुखको जिम्मेवारीबाट हटाएको छ । खड्कालाई प्रहरी प्रधान कार्यालय तानिएको छ ।

आरती साहका परिवारमाथि कुटपिट गरेको आरोप उनीमाथि लागेको छ।

उक्त आरती शाह मृत्यु प्रकरणमा खड्कालाई हटाइएको प्रहरी प्रधान कार्यालय स्रोतले जनायो।

यस प्रकरणमा अनुसन्धान कमजोर गरेको आरोप मृतकका आफन्तहरूले लगाउँदै आएका छन् । ५ महिनाभन्दा बढी समयदेखि उनीहरू आन्दोलनरत छन् ।

आरती जेठ ७ गते आफ्नै घरमा मृत भेटिएकी थिइन् । यस प्रकरणमा पक्राउ परेका आरतीका श्रीमान् र ससुरा मुद्दा पुर्पक्षका लागि कारागार चलान भएका थिए ।