नेपाली कांग्रेसका पुराना नेता रामबाबु प्रसाईको निधन

काठमाडौं । नेपाली कांग्रेसका पुराना नेता रामबाबु प्रसाई(खनुपरुदे)को ९९ बर्षको उमेरमा निधन भएको छ ।

ज्वरो तथा श्वासप्रश्वासमा समस्या आएपछि एक साताअघि चावहिलस्थित ओम अस्पताल भर्ना भएका उनलाई कोरोना संक्रमण भएको थियो ।  प्रसाईको आज दिउँसो १२ बजे निधन भएको उनका नाति कुलुप प्रसाईले जानकारी दिएका छन् ।

प्रसाई २०३३ सालमा वीपी कोइरालासंग मेलमिलापको नीति लिएर स्वदेश फर्कदा संगै फर्किएका थिए । आठबर्षको भारत प्रवासपछि २०३३ साल पुस १६ गते कांग्रेस नेताहरु विपी कोइराला, गणेशमान सिंह, रामबाबु प्रसाई, शैलजा आचार्य, खुमबहादुर खड्कालगायतका नेता राष्ट्रिय एकता र मेलमिलापको नारा लिएर नेपाल फर्किएका थिए ।