सुर्खेत । सुर्खेतमा आजदेखि कोरोनाभाइरसको परिक्षणका लागि नमुना संबलन गर्न थालेको छ । प्रदेश अस्पतालमा स्थापना भएको जनस्वास्थ्य प्रयोगशालामा विश्वभर फैलिएको कोरोनाको नमुना संकलन गरिएको हो । ।
स्वास्थ्य तथा जनसंख्या मन्त्रालयले कर्णाली प्रदेशको राजधानी सुर्खेतमा मेशिन पठाएपछि कोरोना परीक्षणको काम शुरु गरिएको हो । सुर्खेत प्रदेश अस्पतालका निर्देशक डा डम्बर खड्काले कर्णालीका सबै जिल्लाबाट कोरोना आशंका गरिएका व्यक्तिको नमूना संकलन गर्न थालिएको जानकारी दिए । नमुना संकलन हुने वित्तिकै सुर्खेतमै परीक्षण हुने पनि उनले बताए ।
सरकारले सुर्खेतमा कोरोना परीक्षणका लागि रामकृष्ण श्रेष्ठलाई विशेषज्ञका रुपमा खटाएको छ । उनले एक साता सुर्खेतमै बसेर चिकित्सक तथा ल्याबका कर्मचारीलाई कोरोना परीक्षण गर्नेबारे तालिम पनि सिकाउनेछन ।
एक दिनमा कम्तीमा १० जनाको परीक्षण गर्न सकिने र एक घण्टामै नतिजा आउने पनि अस्पतालका निर्देशका डा. खड्काले बताए ।
