यी हुन् दाङको पक्षमा मतदान गर्ने कांग्रेसका ५ सांसद

काठमाडौं । प्रदेश नं ५ सरकारले सदनमा प्रस्तुत गरेको स्थायी राजधानी दाङ देउखुरी राख्ने प्रस्ताव पारित भएको छ । कुल ८२ मध्ये ६९ मत पक्षमा पर्‍यो भने १३ मत विपक्षमा परेको छ । 

यो क्रममा प्रमुख प्रतिपक्षी नेपाली कांग्रेसका ५ सांसदले प्रस्तावको पक्षमा मत दिए।

कांग्रेसले बुटवललाई नै स्थायी राजधानी राख्नुपर्ने भन्दै सरकारले ल्याएको प्रस्तावको विपक्षमा मतदान गर्ने निर्णय गरेको थियो।

तर बर्दियाका सांसद भुवनेश्वर चौधरी, बाँकेका मोहम्मद याकुव अन्सारी, शंकर गिरी, डिल्ली चौधरी, अर्जुन श्रेष्ठले दाङको पक्षमा मतदान गरेका हुन्। कांग्रेसका सांसद सुरेन्द्र हमाल मतदानमा सहभागी थिएनन्।

प्रदेशसभामा कांग्रेसका १९ सांसदमध्ये १३ जनाले दाङ राजधानी राख्ने विपक्षमा मतदान गरे ।