प्रदेश ५ राजधानी विवाद: नेकपा सांसदलाई दाङका पक्षमा मतदान गर्न ह्वीप

काठमाडौं । प्रदेश ५ को सभामा दर्ता भएको प्रदेशको राजधानी र नामसम्बन्धी प्रस्तावबारे नेपाल कम्युनिष्ट पार्टी (नेकपा) ले ह्‍वीप जारी गरेको छ। सो प्रस्तावको पक्षमा मतदान गर्न सांसदहरुलाई ह्‍वीप जारी गरेको हो ।  

सोमबार बिहान बुटवलमा बसेको नेकपाको प्रदेश सभाको संसदीय दलको बैठकले मतदान गर्न मिल्ने ६० जना सांसदलाई पक्षमा मतदान गर्न भनेको हो । 

सो प्रस्तावको पक्षमा मुख्यमन्त्री शंकर पोखरेल रहेका छन् । यस्तै प्रधानमन्त्री केपी शर्मा ओलीको पनि साथ रहेका कारण यो प्रस्तावको पक्षमा मतदान गर्न ह्‍वीप लगाइएको बुझिएको छ । 

तर बुटवलमा भने राजधानीको विषयमा आन्दोलन चर्किरहेको छ । अब केहीबेरमा प्रदेश सभाको बैठक बस्दै छ।