काठमाडौं, १९ चैत । स्वास्थ्य सेवा विभागले कोरोना भाइरस संक्रमण भए नभएको जाँच गर्ने मेडिकल सामग्रीको टेण्डरमा ब्यापक विवाद भएपछि ओम्निटेकसँगको सम्झौता रद्द गरेको छ । केहीबेर अघि विभागले चीनबाट खरिद गरिएको मेडिकल किट, पीपीई लगायतका मेडिकल सामग्रीको टेण्डर रद्द गरेको हो ।
आइसकेको मेडिकल सामानको बारेमा के कसरी भुक्तानी गर्ने भन्ने टुंगो नलागिसकेको विभाग स्रोतले बताएको छ । एक लट सामान आइतबार आइसकेको छ । चीनबाट खरिद गरिएको मेडिकल सामग्री धेरै महंगो भएकोबारेमा ब्यापक बिरोध भएकाले टेण्डर रद्द गर्ने निर्णयमा विभाग पुगेको बताइएको छ ।
स्वास्थ्य सेवा विभागले सूचना प्रविधिको काम गर्ने ओम्निटेक कम्पनीलाई मेडिकल सामग्री आपूर्तिको ठेक्का दिएको थियो । जुन कम्पनी बाणिज्य विभागमा दर्ता समेत नभएको पाइएको छ ।
