संसद्को विशेष अधिवेशन माग गर्न तम्सियो कांग्रेस, जसपासँग सहकार्य गर्ने

संविधान अनुसार संसदको विशेष अधिवेशन बोलाउन माग गर्न ६९ जना आवश्यक पर्दछ। कांग्रेससँग प्रतिनिधि सभा सदस्य ६३ जना छन्। तीमध्ये विजयकुमार गच्छदार र मोहम्मद आफ्ताव आलम निलम्बित रहेकाले आठ जना अझै अपुग रहेको छ । यसका लागि भने कांग्रेसले जनता समाजवादी पार्टी (जसपा) सँग सहकार्य गर्ने तयारी गरेको छ । 

यसअघि प्रम ओलीले दल फुटाउने गरी ल्याएको अध्यादेशविरुद्ध कांग्रेस र जसपा एकै ठाउँमा उभिएका थिए। सोहीकारण विशेष अधिवेशनका लागि पनि दुई पार्टीबीच स्वभाविक सहकार्य हुने तयारी भएको बुझिएको छ । 

कांग्रेसले यो अधिवेशनमा भ्रष्टाचार, कोरोना नियन्त्रणमा सरकार असफल, जनजिविकाका समस्याका विषय उठान गर्ने जनाएको छ। यस्तै कोरोना नियन्त्रणमा उदासिन रहेको सरकारलाई समेत झक्झकाउने बताइएको छ ।