ग्रिसमा डुंगा दुर्घटना हुँदा ७८ जनाको मृत्यु

काठमाडौं । ग्रिसमा प्रवासीहरु सवार डुंगा दुर्घटना हुँदा ७८ जनाको ज्यान गएको छ । डुंगामा सवार ७५० जनाहरुमध्ये ७८ जनाको शव फेला परेको हो ।

बीबीसीले धेरै व्यक्ति बेपत्ता भएकाले मृत्यु हुनेको संख्या बढ्न सक्ने बताएको छ । बेपत्ता भएका अन्य व्यक्तिहरुको खोजी जारी रहेको जनाइएको छ ।

उक्त डुंगाको तल्लो तलामा करिब एक सय जना बालबालिका र महिलाहरु पनि थिए। दुर्घटनाबाट बाँचेकाहरुले बालबालिकाको संख्याबारे जानकारी दिएको बीबीसीले जनाएको छ ।

ती महिला र बालबालिकाहरुको अवस्था अज्ञात छ । दुर्घटना बाँचेकाहरुमा धेरैजसो पुरुषहरु छन् । त्यसैले महिला र बालबालिकाहरुको हताहती भएको हुनसक्ने आशंका अधिकारीहरुले गरेका छन् ।