सल्यानमा गुडिरहेको जिपबाट खस्दा महिला घाइते

सल्यान। गुडिरहेको डबल क्याप बोलेरो जिपबाट खस्दा सल्यानमा एक महिला सख्त घाइते भएकी छन् । त्रिवेणी गाउँपालिका १ काभ्रा बजारबाट नयाँ गाउँ जाँदै गरेको भे १ च १५५९ नम्बरको डबल क्याप बोलेरो जिपबाट शनिबार दिउँसो ११:३० बजे खस्दा कालिमाटी गाउँपालिका १ लक्ष्मीपुर निवासी ४० वर्षीया डिल्ली कामी गम्भीर घाइते भएकी हुन् ।

गुडिरहेको जिपको ढोका अकस्मात खुल्दा सोही जिपमा सवार कामी खसेको जिल्ला प्रहरी कार्यालय सल्यानका प्रहरी प्रवक्ता प्रहरी निरीक्षक गोपाल श्रेष्ठले बताए । गम्भीर घाइते भएकी कामीलाई स्थानीय मेडिकलमा सामान्य उपचारपश्चात थप उपचारका लागि राप्ति उपक्षेत्रीय अस्पताल तुलसीपुर लगिएको उनले जानकारी दिए ।

उनका अनुसार महिला अहिले पनि बेहोस अवस्थामा रहेकी छिन् ।

अहिले जिप चालक कालिमाटी गाउँपालिका १ का २६ वर्षीय पप्पु डाँगी सख्त घाइते भएकी महिलाको साथमा रहेका घाइते महिलालाई उनले नै अस्पताल लगे पनि घटनाको थप अनुसन्धान भरहेको उनको भनाइ छ ।