काठमाडौं । देशभर कोरोना संक्रमित प्रहरीको संख्या तीव्र गतिमा बढ्दै गएको छ । काठमाडौं उपत्यकामा मात्रै अहिलेसम्म ६ सय २९ जना प्रहरी कोरोनाका सक्रिय संक्रमित छन् ।
हालसम्म प्रहरीमा दुई डीआईजीसहित कोरोना संक्रमितको संख्या २ हजार १ सय ११ पुगेको छ । जसमध्ये १२ सय ११ जना सक्रिय संक्रमित छन् ।
९ सय ५० जना उपचारपछि डिस्चार्ज भएका छन् । प्रहरी प्रधान कार्यालयमा कार्यरत ७१ र काठमाडौं उपत्यकाका ५ सय ५८ जना सक्रिय संक्रमित छन् ।
प्रहरी प्रवक्ता एसएसपी कुवेर कडायतका अनुसार प्रदेश १ मा २ सय १०, प्रदेश २ मा ७३, बागमती प्रदेशमा ६०, गण्डकीमा ८१, प्रदेश ५ मा १ सय ४, कर्णाली प्रदेशमा ३७ र सुदूरपश्चिम प्रदेशमा १७ जना प्रहरी कोरोनाका सक्रिय संक्रमित छन् ।
