देवेन्द्र कार्की र भूपेन्द्र थापा
काठमाडौँ । अख्तियार दुरुपयोग अनुसन्धान आयोगका प्रमुख आयुक्त नवीन घिमिरे कोरोना निको भएलगत्तै भौतिक पूर्वाधार तथा यातायात मन्त्रालयका सचिव देवेन्द्र कार्की संक्रमित भएका छन् ।
कार्की होम आइसोलेसनमै बसेर उपचार गरिरहेका छन् । उनलाई तीन–चार दिन अघि सङ्क्रमण कोरोना संक्रमण भएको हो ।
यसैबीच, जुम्लाका प्रमुख जिल्ला अधिकारी भूपेन्द्र थापासहित ६ जनामा कोरोना भाइरस संक्रमण पुष्टि भएको छ । बिहीबार सीडीओ थापासहित ६ जनामा कोरोना संक्रमण देखिएको हो । सीडीओ थापाले आफूलाई कोरोना संक्रमण भएकोबारे सामाजिक सञ्जाल फेसबुकमार्फत जानकारी गराएका हुन् ।
उनले सामाजिक संजालमै आफूलाई कोरोना संक्रमण भएको उल्लेख गर्दै लेखेका छन्– जीवनको सुरक्षा गर्ने क्रममा काँधमा जिम्मेवारी र हृदयमा इमान्दारी बोकेर कतव्र्य पालनाको सिलसिलामा कोरोना युद्धमा अहोरात्र खटिँदा कोरोना संक्रमित हुन पुगेको छु ।
उनी बिहीबारबाटै आइसोलेशनमा बसेको बताइएको छ । यसअघि पर्यटन मन्त्रालयका एक उपसचिवलाई पनि कोरोना संक्रमण पुष्टि भई उनी उपचाररत छिन् ।
