सिमकार्ड डुब्लिकेशनमार्फत रकम ठगी गर्ने युवक पक्राउ

काठमाडौं । सिमकार्ड डुब्लिकेशनमार्फत ठगी गरेको आरोपमा एक जना पक्राउ परेका छन् । काठमाडौं अपराध अनुसन्धान कार्यालयको टोलीले सूर्यविनायकबाट उनलाई पक्राउ गरेको हो ।

पक्राउ पर्नेमा सिन्धुपाल्चोकको लिसंखुपाखर गाउँपालिका-६ घर भई हाल भक्तपुरको सूर्यविनायक-८ बस्‍ने २३ वर्षीय अनिल थापा हुन् ।

उनले सामाजिक सञ्जालमा आवद्ध रहेका विभिन्न बैंकहरुको अनलाइन भाइबर ग्रुपहरुको अकाउन्ट दुरूपयोग गरी पीडितहरुको बैंक तथा मोबाइल बैंकिङमा पहुँच पुर्‍याइ कार्डलेस एटिमबाट रकम निकालेर ठगी गरेको प्रहरीले बताएको छ ।

पक्राउ परेका उनीमाथि ठगीसम्बन्धी कसूरमा आवश्‍यक अनुसन्धान गरी कारबाहीका लागि जिल्ला प्रहरी परिसर टेकु पठाइएको छ ।