रवि लामिछानेविरुद्धको रिटमा सुनुवाइ सुरु

काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेमाथि सर्वोच्च अदालतमा दर्ता भएको रिटमा सुनुवाइ सुरु भएको छ ।

लामिछानेलाई राहदानी दुरुपयोगमा सफाइ दिने महान्यायाधिवक्ताको निर्णयविरुद्धको रिटमा सुनुवाइ सुरु भएको हो ।

न्यायाधीश हरि फुयालको इजलासमा सुरु भएको सुनुवाइका लागि एक घण्टा समय तोकिएको छ ।

न्यायाधीश फुयालले निवेदनका लागि ४५ मिनेट र प्रतिवादीकातर्फबाट उपस्थित वरिष्ठ अधिवक्ता सुनिल पोखरेललाई १५ मिनेट तोकिएको छ ।

रिटको पक्षमा सुरुवाती बहस अधिवक्ता राधिका खतिवडाले थालेकी छन् । युवराज पौडेल असफलले लामिछानेविरुद्ध आइतबार दिएको रिट सोमबार दर्ता भएको थियो ।