उपराष्ट्रपतिमा कसलाई मतदान गर्ने भन्ने विषयमा रास्वपाले अझै निर्णय लिन सकेन्

काठमाडौँ। रवि लामिछाने नेतृत्त्वको राष्ट्रिय स्वतन्त्र पाटी (रास्वपा) ले उपराष्ट्रपतिको विषयमा अझै निर्णय भने गरेको छैन । आज उपराष्ट्रपतिको चुनाव जारी भएपनि सो पार्टीले सवा एक बजेसम्म कसलाई मतदान गर्ने निर्णय भने गरेको छैन ।

उपराष्ट्रपतिको मतदान गर्ने समय आज ३ बजेसम्म मात्रै तोकिएको छ । अहिले मतदान जारी छ ।

सो पार्टीका नेताहरुले बैठक जारी भएकाले केहीबेरमा निर्णय गर्ने बताएका छन् । ‘अझै निर्णय भएको छैन । अबको केहिबेरमा उपराष्ट्रपतिमा कसलाई मतदान गर्ने भन्ने निर्णय हुन्छ, त्यसपछि सार्वजनिक हुन्छ’ रास्वपाका मनिष झाले भने ।

उपराष्ट्रपतिको चुनावको मतदान सकिन लाग्दा समेत रास्वपाले निर्णय गर्न नसक्दा धेरै चकित परेका छन् ।