प्रधानमन्त्री प्रचण्डले चैत ६ गते विश्वासको मत लिने पत्र संसद सचिवालयमा पुग्यो

काठमाडौं। प्रधानमन्त्री पुष्पकमल दाहाल प्रचण्डले यही चैत ६ गते विश्वासको मत लिने तयारी गरेका छन्। नेकपा एमाले र राष्ट्रिय प्रजातन्त्र पार्टीले सरकारलाई दिएको समर्थन फिर्ता लिए पछि संवैधानिक रुपमा प्रधानमन्त्री प्रचण्डले विश्वासको मत लिनुपर्ने भएको हो।

सोही क्रममा प्रचण्डले संसद्मा विश्वासको मत लिने मितिसहितको पत्र संसद्मा पुगेको छ ।

संसद् सचिवालयको प्रवक्ता एकराम गिरीका अनुसार केही बेर अघि सरकारका तर्फबाट संसद्मा पत्र आइपुगेको हो ।

“यही चैत ६ गते संसद्मा प्रधानमन्त्रीले विश्वासको मत लिने पत्र संघीय संसद् सचिवालयमा आइपुगेको जानकारी पाएको छु,” प्रवक्ता गिरीले भने, “अब सचिवालयले त्यसको व्यवस्थापन मिलाउन सहयोग गर्नेछ ।”

भोलि उपराष्ट्रपतिको निर्वाचन तोकिएको छ। विश्वासको मत लिएपछि मात्रै सरकार विस्तार गर्ने प्रधानमन्त्री प्रचण्डको तयारी छ।