उपराष्ट्रपतिमा जसपाकी उम्मेद्‍वार प्रमिला यादवले आफ्नो उम्मेदवारी फिर्ता लिने

काठमाडौं। जनता समाजवादी पार्टीबाट उपराष्ट्रपति पदमा उम्मेदवारी दिएकी प्रमिला यादवले आफ्नो उम्मेद्‍वारी फिर्ता लिने तयारी गरेकी छन्। निर्वाचन आयोगले उपराष्ट्रपतिमा रामसहाय यादवको उम्मेदवारी खारेज गर्नु नपर्ने निर्णय गरेपछि प्रमिला यादवले उम्मेदवारी फिर्ता लिने भएकी हुन् ।

निर्धारित समयमै यादवले उम्मेदवारी फिर्ता लिने जसपा प्रवक्ता मनिष सुमनले बताए ।

राष्ट्रपतिमा पुरुष निर्वाचित भइसकेकाले एमालेकी उम्मेदवार अष्टलक्ष्मी शाक्य र जनमत पार्टीकी उम्मेदवार ममता झाले यादवको उम्मेदवारी खारेजीको मागसहित निवेदन दिएका थिए । तर, आयोगले राष्ट्रपति र उपराष्ट्रपति फरक लिंग र समुदायका दुवै हुनुपर्ने अनिवार्य वा बाध्यात्मक व्यवस्था नरहेकाले यादवको उम्मेदवारी कायम राखेको छ ।