शेरबहादुर देउवालाई शुभकामना दिन जनार्दन शर्मा बालुवाटार पुगे

काठमाडौं । नेपाली कांग्रेस संसदीय दलको नेतामा पार्टी सभापति शेरबहादुर देउवा निर्वाचित भएसँगै बधाई तथा शुभकामना दिने कार्य जारी रहेको छ। 

नेकपा माओवादीका नेता तथा अर्थमन्त्री जनार्दन शर्माले  संसदीय दलको नेतामा निर्वाचित देउवालाई बधाई दिएका छन् । 

प्रधानमन्त्रीसमेत रहेका देउवालाई बधाई दिन शर्मा बालुवाटारस्थित प्रधानमन्त्री निवास पुगेका हुन् । यसअघि कांग्रेस पार्टीका वरिष्ठ नेता रामचन्द्र पौडेलले देउवालाई बधाई तथा शुभकामना दिइसकेका छन्। 

बुधबार बिहान भएको निर्वाचनमा गगन थापालाई अपराजित गर्दै देउवा कांग्रेस संसदीय दलको नेतामा निर्वाचित भएका हुन् । ८९ सदस्यीय कांग्रेस संसदीय दलमा देउवाले ६४ मत ल्याएर नेतामा निर्वाचित भएका हुन् । थापाले २५ मत पाएका थिए ।