सांसदलाई विवेकसम्मत निर्णय गर्न गगनको अपिल 

काठमाडौँ । नेपाली काँग्रेसका महामन्त्री तथा संसदीय दलका उम्मेदवार गगन थापाले पार्टीका सांसदहरुलाई विवेकसम्मत निर्णय गर्न अपिल गरेका छन् । दलको निर्वाचन शुरु हुनुभन्दा केहीसमय अघि सामाजिक सञ्जाल फेसबुकमा एक अपिल जारी गर्दै उनले यस्तो बताएका हुन् । 

महामन्त्री थापाले आमनिर्वाचनमार्फत जनताले दिएको अभिमतलाई इमान्दारितापूर्वक आत्मसात  गरी देश, जनता, भावी सन्तति र पार्टीको भविष्य सम्झेर आफूलाई मतदान गर्न आग्रह गरेका छन् । उनले लोकतान्त्रिक आन्दोलनमा विशिष्ट योगदान गरेका अग्रज नेताहरुको उच्च सम्मान गर्दै मार्गनिर्देनको अपेक्षा गरेको बताए । 

आज बिहान ८ बजेबाट काँग्रेस संसदीय दलको निर्वाचन शुरु हुँदैछ । दलको नेताका लागि सभापति शेरबहादुर देउवा र महामन्त्री गगन थापा चुनावी मैदानमा छन् ।