यसरी मनायो काठमाडौं महानगरपालिकाले २८ औं महानगर दिवस (फोटो फिचर)

काठमाडौँ। काठमाडौं महानगरपालिकाले आज मंसिर २९ गते बिहीबार २८ औँ स्थापना (महानगर) दिवस मनाएको छ। 

बसन्तपुर डबलीमा आयोजित २८ औं काठमाडौं महानगर दिवसको उपलक्ष्यमा नेपाल डान्स एकेडेमीले थारू, गुरूङ, नेवारी संस्कृति झल्किने नृत्य प्रस्तुत गरेको थियो। 

उक्त कार्यक्रममा सहरी विकास मन्त्री मेटमणि चौधरी, ललितपुरका मेयर चिरीबाबु महर्जन र काठमाडौं- २ की नवनिर्वाचित सांसद सोविता गौतमको उपस्थिति थियो। यसपटक महानगरले सप्ताह व्यापी रूपमा विभिन्न कार्यक्रम आयोजना गरेको थियो। 

दिवसका अवसरमा महानगरले आज मातहतका सबै कार्यालयमा बिदा दिएको छ। २०५२ साल मंसिर २९ गते काठमाडौँ नगरलाई महानगर घोषणा गरिएको थियो। त्यही दिनको सम्झनामा  महानगरपालिकाले हरेक वर्ष विभिन्न कार्यक्रम गरी महानगर दिवस मनाउँदै आएको छ।