शंकर पोखरेलले भने- एमाले सरकार बनाउने खेलमा छैन 

काठमाडौं । नेकपा एमालेका महासचिव शंकर पोखरेलले तत्काल एमाले सरकार बनाउने खेलमा नरहेको दाबी गरेका छन् । 

आज बुधबार बिहान पोखरामा आयोजित पत्रकार सम्मेलनमा महासचिव पोखरेलले जनताले सरकार गठनको म्यान्डेड एमालेलाई नदिएकाले सरकार बनाउने खेलमा एमाले नलागेको उल्लेख गरेका छन् । 

उनले अगाडी भनेका छन् , सरकार गठनको म्यान्डेड जनताले एमालेलाई दिएनन् । हामी पर्ख र हेरको अवस्थामा छौं । सरकार गठनको पहलीकदमी एमालेले लिएको छैंन । 

पोखरेलले भने, गठबन्धन एमालेको विरुद्धमा रहदा पनि प्रत्यक्षमा हामीले ४४ सिट जित्यौ भन्दै पोखरेलले जनताको लोकप्रिय मतकोआधारमा एमाले नै पहिलो पार्टी भएको दावी समेत गरेका छन् । 

उनले काँग्रेस नेतृत्वको गठबन्धन रहेसम्म वाम गठबन्धनको सरकार बन्न सम्भव नरहेको बताएका छन् ।