पुटिन भन्छन्- तेल निर्यातमा मूल्य सीमा तोक्ने देशलाई बिक्री गर्दैनाैँ

एजेन्सी। रूसी राष्ट्रपति भ्लादिमिर पुटिनले अब रूसले आफ्नो तेल निर्यातमा मूल्य सीमा तोक्ने कुनै पनि देशलाई तेल नबेच्ने बताएका छन्। रूसले आफ्नो तेल उत्पादन घटाउने विचार गरिरहेको पनि उनले बताएका छन् । 

युक्रेन युद्धमा मस्कोको आर्थिक क्षमतालाई घटाउने उद्देश्यले सोमबार ग्रुप अफ सेभेन, युरोपेली युनियन र  अष्ट्रेलियाले रुसी तेलको प्रति ब्यारेल ६० डलरको मूल्य सीमा तोकेको छ ।

‘मैले पहिले नै भनेको छु कि हामी त्यस्ता निर्णय गर्ने देशहरूलाई बेच्दैनौं’, पुटिनले किर्गिस्तानको राजधानी बिस्केकमा क्षेत्रीय शिखर सम्मेलनपछि आयोजित पत्रकार सम्मेलनमा बताए ।

‘आवश्यक परेमा हामी उत्पादनमा सम्भावित कमीको बारेमा विचार गर्नेछौं’ उनले भने ।