सञ्चारमन्त्री कार्कीले राष्ट्रपति भण्डारीसंग गरे भेटघाट, झन्डै ४५ मिनेट कुराकानी 

काठमाडौँ। सूचना तथा सञ्चारमन्त्री ज्ञानेन्द्रबहादुर कार्कीले  मंगलबार बिहान राष्ट्रपति विद्यादेवी भण्डारीलाई भेटेका छन् । 

सञ्चारमन्त्री कार्की आज बिहानै राष्ट्रपति भण्डारीलाई भेट्न शीतल निवास पुगेका थिए । सत्ता समीकरणका विभिन्न प्रयास भइरहेका बेला कार्कीले राष्ट्रपतिलाई भेटेको स्रोतले जनाएको छ। उक्त भेटमा सम्भावित सत्ता समीकरण र समसामयिक विषयमा छलफल भएको राष्ट्रपति कार्यालय स्रोतले जनाएको छ ।

उनीहरूबीच झण्डै ४५ मिनेट कुराकानी भएको थियो । भेटमा निर्वाचनको नतिजा र सम्भावित सत्ता समीकरणबारे राष्ट्रपतिले चासो राखेको स्रोतले जनाएको छ ।

कार्कीले यही गठबन्धनलाई आगामी दिनहरुमा निरन्तरता दिने निर्णय गरेको बताएका थिए ।