सत्ता गठबन्धनको बैठकअघि प्रचण्ड र एमाले सचिव रघुवीरबीच भेटवार्ता

काठमाडौं । सत्ता गठबन्धनमा आवद्ध दल नेकपा माओवादी केन्द्रका अध्यक्ष पुष्पकमल दाहाल प्रचण्ड र एमाले महासचिव रघुवीर महासेठबीच भेटवार्ता भएको छ । सोमबार प्रचण्डलाई भेट्न एमाले सचिव महासेठ खुमलटार नै पुगेका थिए । सत्ता गठबन्धनको बैठकअघि नै यी दुईले छलफल गरेका थिए। प्रचण्डले नेकपा एकीकृत समाजवादीका अध्यक्ष माधवकुमार नेपालदेखि प्रतिपक्ष एमालेका सचिव रघुवीर महासेठसँग छुट्टाछुट्टै छलफल गरेका हुन् । 

यसै क्रममा प्रचण्डसँग आफ्नो व्यक्तिगत सम्बन्ध राम्रो भएकाले बधाई दिन खुमलटार गएको महासेठले बताए ।

उनले भने, ‘हामीबीच राम्रो सम्बन्ध छ । निर्वाचनबाट विजयी भएपछि उहाँलाई बधाई दिन गएको हुँ । त्यहाँ थप राजनीतिक कुरा भएन ।’

 अहिले प्रधानमन्त्री निवास बालुवाटारमा मंसिर ४ गते प्रदेश र प्रतिनिधि सभा निर्वाचनपछि पहिलोपटक सत्ता गठबन्धनको बैठक जारी छ।