सुनसरी–४ बाट ज्ञानेन्द्रबहादुर कार्की झिनो मतले विजयी

काठमाडाैं। सुनसरी–४ बाट कांग्रेस नेता एवं सूचना तथा सञ्चारप्रविधि मन्त्री ज्ञानेन्द्र बहादुर कार्की एमाले उम्मेदवारलाई पराजित गर्दै विजयी भएका छन् । 

उक्त क्षेत्रको मतगणना अन्तिम चरणमा पुगिरहँदा झन् रोचक बन्दै गएको थियो। यस्तै, सत्तारूढ गठबन्धनका कार्की र एमालेका जगदीशप्रसाद कुसियैतको मुख्य प्रतिस्पर्धा रहेको उक्त क्षेत्रका मतपरिणाम ११ दिनमा आएको हो ।

निर्वाचनको ११ दिनमा आएको मतपरिणाममा सकसपूर्ण जित निकाल्दै नेपाली कांग्रेसका ज्ञानेन्द्रबहादुर कार्की झिनो मतले विजयी भएका हुन्  ।

अन्तिम मतरिणामअनुसार निकटतम प्रतिद्वन्द्वी प्रदेश १ का पूर्व वन वातावरण तथा पर्यटन मन्त्री जगदीशप्रसाद कुसियैत बहालवाला सञ्चार तथा सूचना प्रविधि मन्त्री कार्कीसँग ११२ मतले पराजित भए ।

मतगणनामा पटक पटक विवाद उत्पन्न हुँदा अन्तिम परिणाम आउन ढिलो भएको  थियो । 

सञ्चारप्रविधि मन्त्री कार्कीले ३० हजार ४८३ मत प्राप्त गर्दा एमालेका कुसियैतले ३० हजार ३७३ मत प्राप्त गरे। 

२०७४ को प्रतिनिधि सभा सदस्य निर्वाचनमा मन्त्री कार्की सुनसरी क्षेत्र नम्बर- ४ बाटै विजय भएका थिए । यस पटक पनि कार्की सोही क्षेत्रबाट निर्वाचित भए।