चुनाव जितेपछि सिके राउत किसानका खेत-खेतमा

काठमाडौं।  सप्तरी २ मा तराई मधेस आन्दोलनका चर्चित नेता एवं जसपाका अध्यक्ष उपेन्द्र यादवलाई भारी मतान्तरले हराउँदै जनमत पार्टीका अध्यक्ष सिके राउत पहिलोपटक संघीय संसदमा पाइला राख्न सफल भएका छन्। 

 सप्तरी २ मा चुनाव जितेपछि राउत यतिखेर धन्यवाद दिन हिँडिरेका छन् । राउतले ३५ हजार ४२ मत प्राप्त गर्दा पराजित यादवले १६ हजार ९७९ मतमा सीमित भएका थिए ।

जसपाकाका अध्यक्ष यादवलाई १८ हजार ६३ मतान्तरले पराजित गरेका राउत यतिखेर जनतालाई धन्यवाद दिनका लागि किसानका खेत-खेतमा पुगिरहेका छन् ।  

स्वतन्त्र मधेस गठबन्धनका नाममा तराई मधेसमा स्वतन्त्र मधेस अभियान चलाउँदै आएका राउत २०७५ साल फागुन २४ गते सरकारसँग ११ बुँदे सहमति गरी शान्तिपूर्ण राजनीतिमा आएका हुन् । उनलाई देश विभाजन गर्न खोजेको आरोप लागे पनि अन्तत: तत्कालीन केपी शर्मा ओली नेतृत्वको सरकारले शान्ति प्रक्रियामा ल्याएको थियो ।