काठमाडौँ। कतारको राजधानी दोहामा जारी २२औं संस्करणको विश्वकप फुटबलअन्तर्गत आज बिहीबार समूह ‘जी’ र ‘एच’ का चार खेलहरु हुँदैछन् । नेपाली समय अनुसार पहिलो खेल दिउँसो पौने चार बजे स्विट्जरल्यान्ड र क्यानरुनबीच भिडन्त हुनेछ।
यही समूहमा रहेको ब्राजिल र सर्विया भने राति पौने १ बजे भिड्ने छन् ।
नेपाली समय अनुसार साँझ पौने ७ सात बजे दक्षिण अमेरिकी टोली उरुग्वे र एसियाली मुलुक दक्षिण कोरिया आमुनेसामुने हुनेछन् । यसैगरी राति पौने दश बजे पोर्चुगल र घानाले प्रतिस्पर्धा गर्ने छन्।
समूह ‘जी’ मा स्विट्जरल्यान्ड, क्यामरुन, ब्राजिल र सर्विया छन् भने समूह ‘एच’मा उरुग्वे, दक्षिण कोरिया, पोर्चुगल र घाना छन् ।
यस्तै बुधबार भएको खेलमा जर्मनीमाथि जापानले २–१ गोलको पुनरागमन जित दर्ता गरेको थियो भने स्पेनले कोस्टारिका माथि ७–० को फराकिलो जित निकालेको थियो ।
