काठमाडौँ। चुनावपछि बढ्ने आशा गरिए पनि नेपाल स्टक एक्सचेञ्ज (नेप्से) आज घटेको छ । निर्वाचनको नतिजा प्रकाशित हुँदै गर्दाको परिणामलाई शेयरबजारले स्वीकार नगरेको देखिएको छ । सेयरबजारमा सुधार भने आउन नसकेको हो।
बुधबार नेप्से परिसूचक ७.७२ अंकले घटेर १९२१.९९ विन्दुमा बन्द भएको छ।
आज २२३ कम्पनीको १७ हजार ८ सय ७६ पटकको खरिदबिक्रीपछि १ अर्ब २ करोड रुपैयाँको कारोबार भएको नेप्सेले जनाएको छ।
५७ कम्पनीको सेयर बढे पनि १२४ वटाको घटेको र ७ वटाको उही मूल्यमा कारोबार भएको छ।
आज दुई कम्पनी सिभिल बैंक र घलेम्दी हाइड्रोका लगानीकर्ताले करिब १० प्रतिशत कमाएका छन्। यस्तै आज सबैभन्दा बढी नेपाल बैंकको सेयर कारोबार भएको छ। बैंकको १२ करोड ७७ लाखको कारोबार भएको हो।
