ललितपुर २ मा एमालेका महर्जन बिजयी

काठमाडौं । नेकपा एमालेका तर्फबाट प्रतिनिधिसभा सदस्यमा जित्ने पहिलो उम्मेदवार बनेका छन्– ललितपुर २ का प्रेम महर्जन ।

सोमबार राति सकिएको मतगणना अनुसार महर्जनले हाम्रो नेपाली पार्टीका सुदीन शाक्यलाई ९ हजारभन्दा बढी मतान्तरले पराजीत गरी विजयी भएका हुन् । उनको बिजयको औपचारिक घोषणा भने भइसकेको छैन । 

बिजयी भएका एमालेका महर्जनले १९ हजार ८३४ मत पाएका छन् भने दोस्रो स्थानमा हाम्रो नेपाली पार्टीका सुदीन शाक्यले १० हजार ४४० मत पाएका छन् । राष्ट्रिय स्वतन्त्र पार्टीका बुद्धरत्न महर्जनले १० हजार १३६ मत पाएका छन् । सत्ता गठबन्धनका साझा उम्मेदवार बनेका एकीकृत समाजवादीका कृष्णलाल महर्जन चौथोमा सीमित भएका छन् । उनले ९ हजार ५३९ मत प्राप्त गरेका छन् । उनी निवर्तमान सांसद हुन् ।

उनी पार्टी विभाजन हुँदा नेकपा एकीकृत समाजवादीमा लागेर केन्द्रीय सदस्य समेत भएका थिए । तर पुनः एमालेमा फर्किएका उनलाई  सांसदको टिकट दिएको थियो ।