अछाममा सत्ता गठबन्धनको चुनावी सभा 

काठमाडौँ । सत्तारुढ गठबन्धनले चुनाव प्रचार प्रसारको अन्तिम दिन आज बिहीबार अछाममा चुनावी सभा गरिरहेको छ । गठबन्धनले अछामको चौरपाटीमा चुनावी सभा आयोजना गरेको स्रोतले जनाएको छ। 

उक्त सभामा प्रधानमन्त्रीसमेत कांग्रेस सभापति शेरबहादुर देउवासहित गठबन्धन आवद्ध दलका नेताहरुले सम्बोधन गर्ने कार्यक्रम छ । 

यस्तै सत्तारुढ गठबन्धनले आज काठमाडौंमा पनि चुनावी सभा गर्ने भएको छ। 

गठबन्धनको काठमाडौं क्षेत्र नम्बर-२ चुनाव परिचालन समितिको आयोजनामा आज अन्तिम चुनावी सभा गर्न लागेको हो। सभा दिउँसो २ बजे कोटेश्वरमा आयोजना गरिने भएको छ।

चुनावी सभालाई माओवादी केन्द्रका अध्यक्ष पुष्पकमल दाहाल प्रचण्ड, नेकपा एकीकृत समाजवादीका अध्यक्ष माधवकुमार नेपाल, कांग्रेस महामन्त्री गगन थापा, गठबन्धनबाट क्षेत्र नम्बर–२ को साझा उम्मेदवार पूर्वसभामुख ओनसरी घर्तीलगायतले सम्बोधन गर्ने बताईएको छ।