पुस्पा भुसालले भनिन्- कांग्रेस र गठबन्धनको जीत सुनिश्चित छ

काठमाडौँ। पूर्व उपसभामुख पुस्पा भुसालले आगामी चुनावमा नेपाली कांग्रेस र गठबन्धनको जीत सुनिश्चित भएको दाबी गरेकी छन् । शितगंगा नगरपालिका १२ को रजियामा भएको चुनावी प्रचारप्रसार कार्यक्रमलाई सम्बोधन गर्दै उनले नेपाली जनताको लामो संघर्ष र बलिदानीबाट प्राप्त संविधान सभामार्फत जनताका प्रतिनिधिले लेखेको संविधानको रक्षा गर्दै संविधानको कार्यन्वयनका लागि लोकतान्त्रिक गठबन्धनको जित अहिलेको आवश्यक्ता रहेको पनि उल्लेख गरिन्।

नेपाली काँग्रेसको नेता समेत रहेकी भुसालले अर्घाखाँचीको विकास निर्माणका काम र जिल्लाको मुहार फेर्न नेपाली कांग्रेस र गठबन्धनको जीत सुनिश्चित भएको बताएकी छन्।

अर्घाखाँचीबाट प्रतिनिधि सभा सदस्य पदका उम्मेदवार समेत रहेकी भुसालले भौगोलिक अवस्थाले जटिल रहेको शितगंगा नगरलाई विशेष क्षेत्र बनाएर विकासको  नमुना बनाउने प्रतिवद्धता व्यक्त गरेकी हुन्।