चुनाव प्रचारप्रसार गर्दै विनोद चौधरी

काठमाडौं। नेपालका प्रख्यात उद्योगपति एवं नेपाली कांग्रेस नेता विनोद चौधरी चुनावी प्रचार प्रसारमा लागेका छन् । नेपाली कांग्रेसबाट प्रतिनिधि सभा नवलपरासी (वर्दघाट सुस्ता पश्चिम) निर्वाचन क्षेत्र नम्बर १ बाट उम्मेदवारी दिएका चौधरी नयाँ शैलीबाट मोटरसाईकलको पछाडी बसेर चुनावी प्रचारमा जुटेका छन् । 

सामाजिक सञ्जालबाट चुनावी प्रचारको फोटो सार्वजनिक गरेका चौधरीको प्रचार शैलीबारे विभिन्न टिक्का टिप्पणी भइरहेको छ । 

घरदैलो अभियानकै क्रममा रहेका चौधरीले आफू जनताको घर आँगनमा रहेको बताए । उनले आफ्नो बल बुद्धिलाई समृद्ध देश, सुखी अनि खुशी नेपाली बनाउने शुत्रका साथ जनतामाझ समर्पित हुने बताएका छन् । देशको मेरुदण्डको रुपमा रहेको कृषिलाई व्यावसायिक बनाउँदै किसानका समस्या हल गर्न आफू लाग्ने उनले बताए । 

चौधरी यसअघि पनि कांग्रेसको समानुपातिक कोटाबाट सांसद बनेका थिए । 

यस्तै निर्वाचन आयोगले आगामी कात्तिक १८ भन्दा अघि निर्वाचन प्रचारप्रसार गर्न नपाउने यदि प्रचारप्रसार गरेको भेटिए त्यस्ता उम्मेदवारको मनोनयन नै खारेज गर्नसक्ने सम्मको चेतावनी दिएको छ।