सत्यमोहनको पार्थिव शरीरमा प्रधानमन्त्री देउवाले ओढाए राष्ट्रिय झण्डा 

काठमाडौँ। प्रधानमन्त्री शेरबहादुर देउवाले शताब्दी पुरुष सत्यमोहन जोशीको पार्थिव शरीरमा राष्ट्रिय झण्डा ओढाएका छन् । ललितपुर महानगरपालिका परिसरमा श्रद्धाञ्जलीका लागि राखिएको जोशीको पार्थिव शरीरमा प्रधानमन्त्री देउवाले आज राष्ट्रिय झण्डा ओढाएका हुन् ।

जोशीलाई श्रद्धाञ्जली दिन सभामुख अग्नि सापकोटा, नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’, ऊर्जामन्त्री पम्फा भुसाल, नेता वामदेव गौतम, वरिष्ठ कलाकार मदनकृष्ण श्रेष्ठ लगायत पुगेका थिए । 

जोशी ७ असोजमा उपचारका क्रममा क्रिष्ट अस्पतालमा भर्ना भएका थिए। शताब्दी पुरुष जोशीको ललितपुरको ग्वार्कोस्थित किष्ट मेडिकल कलेजमा आज बिहान १०३ वर्षको उमेरमा निधन भएको हो ।